Qeydiyyat    Giriş
Giriş
» » Həzi Aslanovun ev muzeyindən oğurluq edilib

Həzi Aslanovun ev muzeyindən oğurluq edilib

Bölmə: Xəbərlər

Muzeydən qədim əşyalar oğurlanıb
Azərbaycanın Lənkəran şəhərində oğurluq hadisəsi baş verib.

Lənkəran Şəhər Polis Şöbəsindən (ŞPŞ) APA-nın cənub bürosuna verilən məlumata görə, sentyabrın 22-də səhərə yaxın naməlum şəxs iki dəfə Sovet İttifaqı Qəhrəmanı, general-mayor Həzi Aslanovun Lənkəran şəhəri, İsmət Qayıbov küçəsi, 19 saylı ünvanda yerləşən ev muzeyinə girərək oradan qədim əşyaları, sərkərdəyə məxsus saatı oğurlayıb. Hadisə barədə Lənkəran ŞPŞ-ə məlumat daxil olan kimi əməliyyat-istintaq qrupu yaradılıb.

Həyata keçirilən əməliyyat tədbirləri nəticəsində ev-muzeyində oğurluq edən şəxsin kimliyi müəyyənləşdirilib və o, saxlanılaraq istintaq orqanlarına təhvil verilib. Saxlanılan şəxs - Lənkəran şəhər sakini, 1968-ci il təvəllüdlü Elçin Vəliəhd oğlu Rəhimov ilkin dindirmə zamanı sərxoş olduğunu və törətdiyi əməlinə görə peşmançılıq hissi çəkdiyini bildirib.

Faktla bağlı Lənkəran ŞPŞ-də Cinayət Məcəlləsinin 183-cü (xüsusi dəyəri olan əşyaları talama) maddəsi ilə cinayət işi açılıb, araşdırma aparılır.

loading...
Hörmətli istifadəçi,siz sayta qeydiyyatsız istifadəçi kimi daxil olmusunuz. Biz sizə saytımızdan tam istifadə edə bilməniz üçün qeydiyyatdan keçməyi təklif edirik.
>
©