Xəbər verdiyimiz kimi, bu gün ANS TV-də yayımlanan "Günəbaxan" verilişində qalmaqal yaşanıb.

Müğənni Rəqsanə keçmiş prodüserini kəskin ittiham edib. Rəqsanə keçmiş prodüserini qızı Aysunun telefon nömrəsi və şəkillərini yaymaqda günahlandırıb: Açığı, artıq bu insanların adını çəkmək istəmirəm. Onlardan iyrənirəm. O, mənim haqqımda danışa bilər. Amma övladım haqda yox! Artıq hüquq-mühafizə orqanlarına da müraciət etmişəm. Lakin müraciətimə baxmırlar", - deyə Rəqsanə bildirib. Təranə isə bu ittihamların heç birini qəbul etməyib.

LUX.AZ portalı məsələylə bağlı kiçik araşdırma aparıb və "odnoklasniki"yə yüklənən fotoları əldə edib. Rəqsanə iddia edir ki, bu fotoları sosial şəbəkəyə prodüser Təranə əlavə edib.

Qeyd edək ki, sosial şəbəkədə açılan Aysun Namazlı adlı profilin hazırda 1100-dən çox dostu var və yazılan statusdan görünür ki, bu profil Rəqsanənin qızı Aysuna aid deyil. Etik normaları nəzər alaraq Aysunun adından yazılmış statusu və onun şəxsi nömrəsini oxuculara təqdim etmirik.

Şəkillərin üzərindən vuraraq böyüdə bilərsiniz.