Lux.Az-ın verdiyi məlumata görə, Rəqsanə yerli telekanallardan birinə açıqlamasında konsertin Mehman adlı təşkilatçısının bu haqda dediklərinin yalan olduğunu söyləyib: «Belə şey olmayıb. Bu insan bizim ifaçıların Rusiyadakı konsertlərini təşkil edir. Mənə 10 min borcunun olduğunu bəyan etdiyim üçün haqqımda belə şeylər danışır».

Rəqsanə fikrini belə davam etdirib: «Niyə mən həqiqəti söylədikdə heç kim buna inanmır? Artıq bir neçə ildir Rusiyada konsertlər verirəm. Ona görə də orada kifayət qədər tanınıram. Konsertlərimdə iştirak etmiş şəxslərin heç biri, haqqımda pis bir şey deyə bilməz. Heç zaman özümü ədəbsiz aparmamışam».