Son günlər Hindistanda ən azı, 12 nəfərdə vərəm xəstəliyinin indiyədək məlum olan bütün dərman preparatlarına dayanıqlı olan ştammı tapılıb.

Lux.Az "Wired"ə istinadən bildirir ki, Mumbay şəhərindəki həkimlər bu ştammı "Totally Drug-Resistant" (TDR, dərmanları əsla qəbul etməyən) adlandırıblar.

Hazırda Hindistanın əksər şəhərlərində bu təhlükəli ştammı aşkarlamaq üçün imkanlar olmadığından müalicəsi mümkünsüz xəsitəliyə yoluxmuş 12 nəfər sadəcə, buz dağının görünən tərəfi sayıla bilər.

Vərəmi müalicə etmək çox çətindir və müalicənin yarımçıq dayandırılması rezistent vərəmin yaranmasına səbəb olur.
Məsələn, MDR və XDR ştamları ümumiyyətlə, "ilk xətt" preparatlarına reaksiya vermir. Buna görə də müalicəni 2 il müddətinədək uzatmaq, daha aşağı effektivlik səviyyəsinə malik dərmanlardan istifadəyə əl atmaq məcburiyyəti yaranır.

Hindistanda isə vərəm xəstələrinin vaxtında atekvat müalicə və terapiya almamaları nəticəsində vərəm dərmanların təsir etmədiyi mərhələyə keçir.

Aktiv vərəm forması olan insan daha 15 nəfəri bu xəstəliyə yoluxdura bilir. Bu səbəbdən də alimlər ölümcül təhlükəli TDR virusunun düynaya yayılacağını istisna etmirlər.