Ötən saylarımızda sizə məlumat vermişdik ki, dünyanın tanınmış modelyer və dizaynerləri dəb aləmində ayaqqabı, kəmər və çantaları möhtəşəm üçlük adlandırıb.

İndi bu üçlüyün ən güclü bəndi sayılan kəmərlər haqqında məlumat veririk. Beləliklə, əziz dəb həvəskarları, kəmərləri möhkəm bağlayın, kəmər dünyasına səyahətə çıxırıq.

Müasir dövrdə kəmər dəbli aksessuar olmaqla dekorativ məqsədlərlə istifadə edilir. Amma qədim zamanlarda kəmərlər geyimi bərkitmək, enli kəmərin vasitəsi ilə qorunmaq, müxtəlif pul kisələri, silah, alətlər asmaq və s. məqsədlərlə istifadə olunurdu.

1980-cı ildən başlayaraq kəmərlərə böyük maraq oyandı. Dəri kəmərlər həm kişilərin, həm də qadınların qarderoblarının vacib aksesuarı oldu. O qadın obrazını tamamlayan vacib bir elementlərdən biri sayıldı.
Qadın belinin gözəlliyi bu il xüsusi olaraq vurğulanmaqdadır. Bu aksessuar sizin siluetinizi dəbli, cəlbedici, səliqəli və yaraşıqlı göstərəcək.
2011-ci ilin kolleksiyasında olan qayışlar daha enli, metal parıltılı, dəridən qara rezinli, rəngli və ensiz ola bilər. Ümumiyyətlə kəmər alanda, onu eyni rəngdə olan ayaqqabı, çanta və bəzək əşyaları ilə uyğunlaşdırmaq lazımdır. Ağ kəməri seçən xanımların geyimi isə tünd rəngdə olmalıdır.
Kəmər sadə donu yaraşıqlı, cəlbedici edə bilər.

 

Bu mövsümdə əsasən toxunma və enli kəmərlər üstünlük təşkil edəcək.

Qəhvəyi rəngin bütün çalarları, ağ, qara , qırmızı, çəhrayı, xaki, boz, tünd qırmızı rəngdə kəmərlər dəbdə olacaq.

Materialları: tekstil, zamşa, dəri, hətta xəz kəmərlər mövsümə liderlik edəcək.

Yazda bu kəmərləri yubka, tunika, paltar, trikotaj jaket və uzun toxunma sviterlə həm altdan, həm də üstdən geyinmək olar.

Bu da möhtəşəm dəb üçlüyünün son aksessuarı-kəmərlər haqqında bir neçə kəlmə.