
Peyklərin, GPS sistemlərinin zərər görməsi, enerji şəbəkələrinin fəaliyyətini dayandırması gözlənilir
Bu gün Yer kürəsini güclü Günəş fırtınası vuracaq. Lux.az-ın “Hürriyet” qəzetinə istinadən verdiyi məlumata görə, NASA-nın SDO peyki dünən Günəşin səthində nəhəng bir ləkə aşkarlayıb. NASA bunun 2005-ci ildən bu yana rast gəlinən ən böyük Günəş partlayışı olduğunu açıqlayıb. Sürəti saatda 8 milyon kilometrə çatan radiasiya fırtınası Yer kürəsinə qədər olan 150 milyon kilometr məsafəni 34 saata qət edəcək. Radiasiya fırtınası saat 18:00 radələrində Yer kürəsinə çatacaq. NASA Günəş səthindəki partlayışla bağlı yaranan radiasiya fırtınasının 2005-ci ildəki radiasiya fırtınası ilə müqayisədə 10 faiz güclü olduğunu bəyan edib. Dünyanın məruz qalacağı güclü elektromaqnit şüaları səbəbindən GPS sistemlərinin zərər görməsi, enerji şəbəkələrinin fəaliyyətini dayandırması təhlükəsi böyükdür. Yer kürəsinin ətrafındakı peyklər də radiasiya fırtınasından zərər görəcək. Digər tərəfdən, hazırda kosmik səyahətdə olan kosmonavtların da böyük dərəcədə radiasiyaya məruz qalmaları riski var.

Azərbaycanda istirahət üçün ən gözəl məkan haradadır?


SEO
analiz
Keçid
vitrini