Serbiyanın "Novi Sad" şəhərində ictimai paylaşma saytı Facebook-un '' Like '' (bəyən) düyməsinə bağlı olanlar üçün reabilitasiya klinikası açıldı. Cənub-şərqi Avropanın, Facebook asılılığını nəzərə alaraq müalicə təqdim edən ilk klinikası, 1 ay əvvəl Serbiyada asılılıq xəstəliyi olanları qəbul etməyə başladı.

"Novi Sad"da qurulan Prima Klinikası Baş həkimi Dr. Dragan Stafanovic, jurnalistlərə verdiyi açıqlamada, '' Like '' (bəyən) düyməsinin asılıları üçün xidmət edəcək mərkəzdə, reabilitasiya müddətinin ən az bir ay olacağını və müalicənin davamına xəstənin vəziyyətinə görə həkimlərin qərar verəcəyini qeyd etdi.
Dr. Stefanoviç, Facebook istifadəçilərində '' Like '' asılılığının gündən günə ciddiləşdiyini və belə bir klinikanın açılmasının köməyə ehtiyac duyanlar baxımından əhəmiyyətli olduğunu vurğuladı.

Bir aydır asılıları qəbul etməyə başlayan klinikaya müraciət edən və adı açıqlanmayan 33 yaşındakı Serb qadın, başlanğıcda '' Like ''ların zərərsiz olduğunu düşündüyünü, amma zaman irəlilədikcə onlara əhəmiyyət verməyə başladığını və Facebook yoldaşları tərəfindən yalnız ən çox '' Like '' ala biləcək linklər paylaşdığını ifadə etdi. Eyni qadın, sonrakı mərhələdə isə yoldaşlarının paylaşmalarına bənzər məzmunlu linklər yükləyib kimin daha çox '' Like '' alması rəqabətinə girdiyini də qeyd etdi.
Bundan başqa, Serbiya ictimaiyyəti '' Like '' asılılığı problemiylə ilk dəfə dörd ay əvvəl qarşılaşdı. Təxminən 4 ay əvvəl Facebookdakı bir mesajına 20 dəqiqə boyunca kimsə ''like'' göndərmədiyi üçün gənc bir qız biləklərini kəsərək intihara cəhdi etmişdi. Xəstəxanaya aparılan gənc qız, həkimlərin müdaxiləsi nəticəsində xilas olmuşdu.
Dünya Sağlamlıq Təşkilatı hesabatına görə '' Like '' düyməsi asılısı kateqoriyasında olanlardan təxminən 3000-i Serbiyada yaşayır və bu ədədin önümüzdəki iki il içərisində dörd qat daha çoxala biləcəyinə diqqət çəkilir.