Bu gün İsraildə "Hes-3" antiraket sisteminin ilkin sınaqlarına hazırlıq başlanıb.

Lux.Az "Reshet Bet"ə istinadən bildirir ki, sınaqların məqsədi "Hes-3" sisteminin sürət və manevr qabiliyyətini daha da artırmaqdır.

İlkin sınaqlarda ABŞ-ın Müdafiə Nazirliyi və layihədə iştirak edən "Boeing" korporasiyasının nümayəndələri iştirak edirlər. "Hes" layihəsinə Yair Ramati başçılıq edir.

"Hes-3" antiraket batareyaları İsrailin raketlərə qarşı çoxpilləli müdafiə sisteminin "üst qatı" olmalıdır. Onlar İsrailə buraxılmış ballistik raketləri "Hes-2" antiraketləri ilə müqayisədə daha tez, atmosferin üst qatlarında məhv edə biləcək.

"Hes-3" antiraketləri əvvəlki sistemdəki raketlərlə müqayisədə yüngül olduğundan, gəmilərdə də yerləşdirilə bilər. Onların hədəfi vurma dəqiqliyi 99 faizdir. Üstəlik, "Hes-3"dən kosmosdakı kəşfiyyat-casus peyklərinə qarşı da istifadə etmək olar.

"Hes-3" raketləri 2013-cü ildə döyüş növbəsinə durmalıdır.