Ermənistan Region Araşdırmalar Mərkəzinin rəhbəri: “Fransanın bu addımı Türkiyə ilə Ermənistan arasında münasibətlərə mənfi təsir göstərəcək”
Ermənistan Region Araşdırmalar Mərkəzinin rəhbəri Riçard Girakosyan Fransa Milli Assambleyasının qondarma “erməni soyqırımı”nı inkarla bağlı cinayət məsuliyyəti nəzərdə tutan qanun layihəsini qəbul etməsini sərt tənqid edib.Lux.az-ın “haberturk.com” saytına istinadən verdiyi məlumata görə, Riçard Girakosyan Fransanın bu addımın Türkiyə ilə Ermənistan arasında münasibətlərə mənfi təsir göstərəcəyini söyləyib.
Ermənistan Region Araşdırmalar Mərkəzinin rəhbəri bildirib ki, Fransa prezidenti Nikola Sarkozi bu qanunu Fransa parlamentinin aşağı palatasında qəbul etdirməyə nail olmaqla 3 niyyətini həyata keçirməyə çalışır. Birincisi, Nikola Sarkozi yaxınlaşan prezident seçkiləri öncəsi ölkədə yaşayan və son dərəcə aktiv olan 500 min erməni əsilli seçicinin səsini qazanmaq istəyir. İkincisi, Nikola Sarkozi hökuməti Türkiyəni beynəlxalq arenada pisikdirmək və beləliklə, Türkiyənin Avropa Birliyinə üzvlüyü prosesini çətinləşdirmək niyyətindədir. Üçüncüsü, bu qanun layihəsi erməni məsələsini dəstəkləməkdən çox Fransanın beynəlxalq arenada nüfuzunu və siyasi liderliyini gücləndirmək niyyəti daşıyır.
Riçard Girakosyan Fransanın atdığı son addımla Türkiyə və Ermənistan arasında vətəndaş cəmiyyətləri arasında münasibətlərin normallaşması yönündə davam edən prosesə də böyük zərbə vurduğunu dilə gətirib. Riçard Girakosyan hazırladığı hesabatda qeyd edib ki, İsveçrə Türkiyə və Ermənistan arasında münasibətlərin normallaşması prosesində vasitəçilik təklif edib və bu ayın əvvəlində Türkiyə bu təklifə müsbət yanaşsa da, sonradan mövqeyindən geri çəkilib.
File engine/modules/thanks.php not found.
Azərbaycanda istirahət üçün ən gözəl məkan haradadır?
SEO
analiz
Keçid
vitrini
