Qeydiyyat    Giriş
Giriş
» » Ev şəraitində dönərin hazırlanması...

Ev şəraitində dönərin hazırlanması...

Bölmə: Maraqlı / Xəbərlər
Ev şəraitində dönərin hazırlanması...
ƏRZAQLAR
1 NƏFƏR ÜÇÜN.
İstənilən növ sümüksüz və yağsız ət (mal,quzu,toyuq və s)
1 ədəd dönər çörəyi (Çörək iri olarsa yarı bölün)
3 ədəd ortaboy soğan (2-si sous,1-i dönər üçün)
2 diş sarımsaq 
kəklikotu
zeytun yağı
duz
istiot 
sumaq
moyanez
ketçup
1 pomidor 
1 xiyar 
bir qədər kələm (zövqə görə) və ya doğranmış cəfəri(petruşka)
1/2 xiyar turşusu
 
HAZIRLANMASI:
1)İlk olaraq sous hazırlanır.Bunun üçün
2 ədəd soğan,sarımsaq,kəkotu,bir qədər zeytun yağı,duz,istiot,sumaq qarışdırılır və hamısı birlikdə blenderdən keçirilir.Bu zaman göstərilən ərzaqlar həm xırdalanır,həm də qarışır.Blender olmasa verilən ərzaqları xırda doğrayaraq qarışdıra bilərsiniz.
2)Ətlər çox qalın olmayan laylar şəklində doğranır.(İri ölçülü kolbasa kimi).Sonra hazırlanmış sous(1) ətlərin üzərinə əlavə edilir.Ətlərlə birgə yaxşıca qarışdırılır.2—3 saat kənara qoyulur ki,sousun dadı ətə hopsun və ətlər bişdikdən sonra daha ləzzətli olsun.
3)Sobanın içərisindəki gril çubuğu götürülür.Və ətlərin hər birinin mərkəz hissəsi qril çubuğuna keçirilir.Bir-birinə sıxlaşdırılmış şəkildə üst-üstə yığılır.Və sobanın qril rejimində bişirilir.
4)Ətlər bişənə qədər tərəvəzlər hazırlanır.1 ədəd soğan yarım halqa şəklində doğranır.Soğanı duz və sumaqla ovanda daha ləzzətli olur.Pomidor və xiyar halqavari,kələm nazik və uzun şəkildə,xiyar turşusu xırda kub şəklində doğranır.
5)Ətlər bişdikdən sonra qril çubuğu ilə birgə sobadan çıxarılır.1 ucu hər hansı bir boşqabın üzərinə qoyulur.(Şaquli və ya perpendikulyar istiqamətdə).Yəqin ki, dönərxanada dönər ətinin necə kəsildiyini görmüsünüz.Eyni qayda ilə ətlər kənardan başlamaqla kəsilir.Yəni ətlər qrildən çıxarılmadan kənarlardan başlanaraq doğranılır.
6)Dönər çörəyi aralanır.İçərizinə moyanez çəkilir.Ketçup vurulur.Doğranmış ətdən bir qədər qoyulur.Doğranıb kənara qoyulmuş kələm,pomidor,xiyar,soğan,xiyar turşusu hərəsindən bir qədər olmaqla çörəyin arasına yerləşdirilir.İsti-isti süfrəyə verilir.
 
NUŞ OLSUN!

loading...
Hörmətli istifadəçi,siz sayta qeydiyyatsız istifadəçi kimi daxil olmusunuz. Biz sizə saytımızdan tam istifadə edə bilməniz üçün qeydiyyatdan keçməyi təklif edirik.
>
©