Bu səbəbdən də cəriməni vaxtında ödəməniz, zaman-zaman dövlətə borcunuzun olub-olmadığını müəyyənləşdirməniz lazımdır.

Lux.Az-ın məlumatına görə, Bakı Şəhər Yol Polis İdarəsinin ictimaiyyətlə əlaqələr bölməsinin rəisi Vaqif Əsədov açıqlamasında bildirib ki, sürücülər dövlətə borclarının olub-olmadığını bir neçə vasitə ilə müəyyənləşdirə bilərlər. Bu yollardan biri Baş Dövlət Yol Polisi İdarəsinin müvafiq şöbəsinə şəxsən baş çəkməklə, borcun və sürücülük vəsiqəsində balın olub-olmadığını müəyyənləşdirməkdir.

"Sürücülük vəsiqəsində nə qədər balın olduğunu və ödənilməli olan cərimənin məbləğini İnternet vasitəsilə də öyrənmək olar. Bunun üçün Daxili İşlər Nazirliyinin saytına (www.mia.gov.az) daxil olmaq, oradan "cərimələr və cərimə balları haqqında" bölməsinə keçmək lazımdır. Oradakı müvafiq yerlərə sürücülük vəsiqəsinin seriyasını, sürücünün doğum tarixini, vəsiqənin etibarlılıq müddətini daxil etmək, bununla da vəsiqədə balın və cərimənin olub-olmadığını müəyyənləşdirmək olar", - deyə V.Əsədov bildirib.