Qədim məxluqun daşlaşmış qalıqlarının öyrənilməsi göstərib ki, bu canlı indiki yırtıcılardan ölçülərinin və başının quruluşu ilə yanaşı, davranışı ilə də fərqlənib.

Lux.Az "PLoS ONE"a istinadən bildirir ki, alimlər canlını "Aegisuchus witmeri" adlandırıblar. İndiki timsahların "ulu babası" təxminən 93-99 milyon il əvvəl, Təbaşir dövrünün son mərhələlərində yaşayıblar.

"O, timsahların Afrikadakı ən qədim əcdadıdır. Başqa tapıntılar kimi bu daşlaşmış qalıqlar da indiki yırtıcıların əcdadlarının arasında kəskin fərqlərin olduğunu göstərir", - Missuri Universitetinin əməkdaşı Keysi Holidey deyib.

Qədim timsahın başının yuxarı hissəsi triseratopslarda olduğu kimi, çox sıx və bərk dəridən ibarət çıxıntı imiş.