Bir müddət əvvəl İran hökuməti Azərbaycan əsilli məşhur iranlı aktrisa Gülsiftə Fərəhaninin İrana gəlməsinə qadağa qoymuşdu. Buna səbəb isə gənc aktrisanın İranda qadınların hüquqlarının məhdudlaşdırılmasına etiraz olaraq “Le Fiqaro” jurnalı üçün soyunması idi.

LUX.Az-ın verdiyi xəbərə görə, aktrisanın çılpaq fotoları onun “Facebook” səhifəsində yayımlandıqdan sonra İranda və Yaxın Şərqdə aktiv müzakirələrin yaranmasına səbəb olmuşdu. İranı məhdud islam qanunlarına və Əhmədinejatın konservativ mədəni siyasətinə görə keçən il tərk edən aktrisa, ona Mədəniyyət Nazirliyindən İranda aktyor və aktrisalara ehtiyac duyulmadığı barədə xəbərdarlığın edildiyini demişdi. Və aktrisanın ölkəyə qayıtmasına qadağa qoyulmuşdu.

İndi dünyanın bir çox ölkələrindən olan aktivistləri Gülsiftəyə dəstək olmaq üçün soyunurlar.
 
“Reuters”-in verdiyi xəbərə görə, Fərahaninin tərəfdarları “Facebook”-da ona dəstək olmaq üçün səhifə yaradıblar və bəzi istifadəçilər hətta burada öz çılpaq şəkillərini də yayımlayırlar.

Qeyd edək ki, Gülşiftə Fərahani 10 iyul 1983-cü ildə anadan olub. O, Güney Azərbaycan türküdür və ailəsi Güney Azərbaycanın mərkəzi bölgəsində yerləşən Dəyirmançı kəndindəndir.

Gülşiftə Fransada  “Le Fiqaro” jurnalının hazırladığı “2012 – Révélations” adlı videonun 29-31.ci saniyələrində soyunub və İran mediasında böyük səs-küyə səbəb olub.