Avqustun 26-da Bakının Qaradağ rayonunda dramatik hadisə yaşanıb. Hüquq-mühafizə orqanlarından Lux.az-a verilən məlumata görə, rayonun Qızıldaş qəsəbəsi sakini, 49 yaşlı T. Ə. (adı şərtidir) öz 11 yaşlı oğlu M.Ə-ni yaşadığı binanın damına çıxararaq oradan atmaq istəyib. Onun bu hərəkətinə səbəb 44 yaşlı həyat yoldaşı C.Ə.-nin evdən getməsi və əxlaqsız yola düşməsi olub.

Dünən gecə saatlarında baş verən hadisə şəhərin hüquq-mühafizə orqanlarını ayağa qaldırıb. Hadisə yerinə Bakı Şəhər Baş Polis İdarəsinin rəis müavini, general-mayor Elxan Həsənov gəlib.

Danışıqlardan sonra ata ilə oğulu binanın damından aşağı endirmək mümkün olub.

Faktla bağlı Qaradağn Rayon Polis İdarəsində araşdırma aparılır.